In the name of Allah, the Most Gracious, the Most Merciful

കാവ്യയെന്ന ബിംബം, രാഷ്ട്രീയക്കാരനെന്ന ആരാധകന്

കാവ്യാ മാധവന് ഇന്നലെ ദുബായിയിലെത്തി. നൂറുകണക്കിനു പ്രവാസികുടുംബങ്ങളാണു ഖിസൈസിലെ സ്വകാര്യ ക്ലിനിക്ക് ഉദ്ഘാടനച്ചടങ്ങില് നടിയെക്കാണാന് വന്നത്. അമ്മയ്ക്കും അച്ഛനുമൊപ്പമെത്തിയ മലയാള ചലച്ചിത്രതാരം ആരാധകബാഹുല്യം കാരണം രണ്ടുമണിക്കൂറോളം ക്ലിനിക്കില് കുടുങ്ങി. ഒടുവില് പോലിസെത്തിയാണ് ഇവരെ പുറത്തിറക്കി വാഹനത്തില് കയറ്റിയത്. ഇന്ത്യന് എയര് ലൈന്സ് ഷാര്ജയില് നിന്ന് വൈകിപ്പുറപ്പെട്ടതു കാരണം വലിയ പ്രശ്നങ്ങളൊന്നുമില്ലാതെ അവര് നാട്ടിലേക്കു പറന്നു. പരിപാടിക്കെത്തിയ നൂറോളം കുടുംബങ്ങള് കാവ്യയെക്കാണാനാവാത്ത നിരാശയോടെ തിരിച്ചുപോയി.  നടിയെക്കാണാന് കഴിഞ്ഞവര്ക്ക് പിന്നെ അവരെയൊന്നു തൊടാത്തതിലായി വിഷമം. അന്യരുടെ പ്രശസ്തിയും പദവിയുമൊക്കെ മനുഷ്യരെ എങ്ങനെ സ്വാധീനിക്കുന്നുവെന്ന് ഇന്നലെ വ്യക്തമാവുന്ന ഒരു സംഗതികൂടിയുണ്ടായി. പരിപാടിയില് ചലച്ചിത്രനടിയെത്തുന്നുവെന്ന് അറിഞ്ഞ് ഒരതിഥി കൂടിയെത്തി. ഇമ്മിണിബല്യൊരു രാഷ്ട്രീയക്കാരനാണേ. തിരക്കൊന്നും കൂസാതെ ക്ലിനിക്കിലെത്തിയ അദ്ദേഹം നടിയിറങ്ങും മുന്പേ സ്ഥലംകാലിയാക്കി.

Popular Posts